Venerdì prossimo ricorre la nascita di Calogero Marrone, eroe civile della 2 guerra mondiale. Per tale avvenimento mi piace ricordarlo con una “ballata da cantastorie “ ma senza strumenti musicali né illustrazioni”. Il testo scritto da Gaetano Schifano, morto da poco tempo e nipote di Calogero, ha avuto il mio contributo. Ecco il contenuto:
“Viniti, viniti carusi e cumpari
Ca a vita di un omu curaggiusu vi voglio narrari
Era di bona crianza; faciva beni e senza ricumpensa.
A lu munnu ca iva a scatafasciu
detti un esempio di moralità e spiranza.
Un omu onestu, un favarisi,
ca dopu la ranni guerra, travagliava nu so paisi.
Tempu ni passà ma mancu tantu assà
ca na nova guerra scuppià.
Ora faciti silenziu e ascuntati tutti
ca i vi cuntu comi ieru i fatti
A vita di stu paisanu vi vogliu raccuntari.
A li Marruna iddru appartiniva
e di sta storia u Cristu era iddru
E nun vi scurdati ca si chiamava Caliddru.
Stati attenti a mmia beddri picciotti
Ca ora vi cuntu i fatti
Sulu a pinsarici m’arrizzanu li carni
Accittari ca ni lu munnu ci possa esseri tantu mali
Semu a Favara ni stu paisi terra di primatiunni a storia è senza journati.
Caliddru, redeuci da guerra o cumuni faciva l’impiegatu
Onestamenti mantiniva i figli e Pina so muglieri
di la quali era troppu innamuratu
Lu mali tra l’omini mai si va a curcari
È comu na timpesta ‘na fuddria
Ti piglia e’nun ti lassa pi la via
‘nun ti fa dormiri, ti scuieta e ti strammulia
U mali sempri viglianti resta
Comu nu fantasma cu na catina
Crisci l’odiu sbamba e si scatina
Chissu erano l’anni di lu fascismu
Era difficili diversamenti pinsari ed agiri
Tutti si scantavanu e a lu partitu s’aviano a signari
o erano guai pi la povira genti.
C’era un fascistuni ca ‘ncapu di tutti vuliva cummannari
ma Caliddru ‘nun lu suppurtava
Crocchiula si chiamava
Era fascista e priputenti
e senza ordini di iddru
‘nun si putiva fari nenti
Caliddru libiru pinsanti, intellettu finu
e di libertà amanti
ci dissi: “a stu partitu ‘nun mi ci scrivu”
levatillu di la testa e tu ridicu.
Oh Caliddru chi mala pinsata
Firma drocu e passa queto la jurnata!
Di galera ni fici se misi
Scarceratu ‘nun finì Crocchiula ci dissi
“Caliddru ora chi fa, ti scrivi a stu partitu??
Iddru ‘c’arrispunni:” a to canzuni è un mali spartitu”
Crocchiula sbambò e di nivuru russu addivintò
Forsi fu distinu o mala sorte
Caliddru cu la famiglia a Varese emigrò.
Lentu lu trenu iva chianu chianu
E li purtava luntanu luntanu
Caliddru s’impiegò nu comuni di Varesi
Unni vi lavurava comu impiegatu d’anagrafe.
Tempi nivuri passà lu munnu
Arrivò a tuccari lu funnu
L’anni du fascismo a tutti cancillà i diritti
‘nun c’eranu cchià né poviri né ricchi.
E si eratu ebreu o antifascista
lu vistitu di la morte s’avia a priparari
Calì putivatu sulu scappari
picchì a lu campu di concentramentu
cu la forza ti ivanu a purtari
Ma Caliddru ‘nun suppurtava
Dru malu stari
Allura dissi:” Basta, na cosa l’haia a fari”.
E carti farsi si misi a stampari
e accussì ebrei e antifascisti si misi a salvari.
Finu a quannu qualrchi ‘mpamuni
a lu cumuni ‘nun si misi a denunziari.
Ah Caliddru comu ti i a finiri
Pi fari lu beni isti a muriri
Essiri giusti ni stu munnu ‘nun renni eppuru cca j sugnu a diri fieru a tutti quanti
ca j sugnu to parenti
Orgogliu provu sugnu cuntenti
Di sapiri ca la to morti nun fu vana
Salvasti moltissima gente umana.
Isti a moriri a Dachau a vidiri morti ‘ncapu morti
senza prieri, senza rosi e né cunforti
Masculi, fimmini ranni e’nnuccenti
eranu tutti nenti cu nenti
Ossa ammunziddrati
comu sacchi di munnizza accatastati
Caru Caliddru ma cu ti l’avia a diri
Ca facennu lu giustu accussì t’avia a finiri
Nantri sta storia però ‘na cosa
na putemu imparari:”A morti na faccia
sulu l’eroi e li santi la ponnu taliari
Accussì un numero scrittu ‘ni la peddri
pi l’eternu t’accumpagna
ora ‘na petra fridda nu viali di li giusti è a to a ricumpensa!
Ma pi mmia si na stiddra ca brilla ni lu firmamentu
Taliu in celu e angilu ti viu.
Ti salutu e ti dicu: grazi Caliddru,
‘nun sacciu quannu … ma ti vegnu a truvari
pi ti ringraziari !!